ain.az, Idman.biz saytından verilən məlumata əsaslanaraq xəbər yayır.
İtaliya A Seriyasında 4-cü turun üç oyunu baş tutub.
İdman.biz xəbər verir ki, “Bolonya” öz meydançasında “Cenoa”nı qəbul edib.
Oyun "Bolonya"nın 2:1 hesablı qələbəsi ilə qurtarıb. Komanda ində 6 xalla 8-ci yerdədir.
“Verona” isə çempionatda ikinci yerdə olan “Yuventus”u qonaq edib. Görüş 1:1 hesabı ilə bitib və Turin klubu liderlik uğrunda mübarizədə vacib xalları itirib.
Günün digər qarşılaşmasında “Udineze” ilə “Milan” üz-üzə gəliblər. Oyunda hesabı 39-cu dəqiqədə Kristian Pulişiç açıb - 0:1.
46-cı dəqiqədə Yusuf Fofana "Milan"ın ikinci qolunu vurub - 0:2.
83-cü dəqiqədə isə Pulişiç oyunda özünün ikinci qolunu vurub - 0:3. Beləliklə, "Milan" səfərdə qələbə qazanıb. Bu qələbə kluba ikinci pilləyə yüksəlməyə imkan verib. İndi "Milan" lider "Yuventus"dan 1 xal geri qalır.
İdman.biz
Daha ətraflı məlumat və yeniliklər üçün ain.az saytını izləyin.
