ABŞ Prezidenti Donald Tramp əcnəbilərə bir milyon dollar qarşılığında "Trump Gold Card" (Trampın qızıl kartı) adlanan daimi yaşayış icazəsi verilməsi prosesini sürətləndirməyə dair fərman imzalayıb.
Moderator.az bu barədə TASS-a istinadən xəbər verir.
Ağ Evin rəhbəri bildirib ki, yeni proqram ABŞ-yə "çox uğurlu" və "çox məhsuldar" insanları cəlb etməyə yönəlib.
Onun sözlərinə görə, bu, ABŞ hakimiyyətinə vergilərin azaldılmasına, dövlət borcunun ödənilməsinə və digər faydalı şeylərə xərclənəcək milyardlarla dollar cəlb etməyə imkan verəcək.
