Çay və ya qəhvə üçün cəmi bir neçə dəqiqə işlədilən su qızdırıcıları (elektrikli çaydanlar) əslində evlərdə ən çox enerji sərf edən və elektrik xərclərini artıran cihazlardan biri ola bilər. Enerji mütəxəssislərinə görə, tipik bir su qızdırıcısı yalnız işlədiyi vaxt deyil, istifadə olunmadığı halda belə elektrik sərf etməyə davam edir.
Su qızdırıcısı niyə elektrik xərclərini artırır?
British Gas və Smart Energy GB mütəxəssisləri bildirirlər ki, su qızdırıcıları şəbəkəyə qoşulu qaldığı müddətdə elektrik çəkməyə davam edir. Çox vaxt bu cihazlarda tam söndürmə düyməsi olmadığı üçün fişdən çıxarılmadıqda sayaç işləyir və siz hər gün bilmədən əlavə enerji itirirsiniz.
Kiçik dəyişikliklərlə böyük qənaət mümkündür
"Bakuinfo" xəbər verir ki, Enerji mütəxəssisləri bildirir: “Elektrikdən istifadə vərdişlərinizdə edəcəyiniz kiçik dəyişikliklər belə, hesabınızı ciddi şəkildə azalda bilər.” Bu səbəbdən su qızdırıcıları, telefon şarj cihazları və lampalar kimi daim işləməsinə ehtiyac olmayan cihazları fişdən çəkmək tövsiyə olunur. Beləliklə həm enerjiyə, həm də cibinizə qənaət edə bilərsiniz.
Hansı cihazlar daim fişdə qalmalıdır?
Bəzi cihazların fasiləsiz işləməsi vacibdir. Məsələn, soyuducu, dondurucu və peyk qəbulediciləri daim şəbəkədə qalmalıdır. Amma gündəlik istifadə etdiyiniz su qızdırıcıları, şarj cihazları və kiçik məişət texnikası işiniz bitdikdə fişdən çıxarıla bilər. Bu sadə addım elektrik qəbzinizdə gözəçarpan azalma yaradacaq.
Enerji qənaəti üçün sadə üsul
Mütəxəssislər əlavə edirlər: “Şarjı dolmuş telefonları fişdə saxlamayın, işlənməyən cihazları prizdən çıxarın. Demək olar ki, bütün elektrik cihazları ayarlarını itirmədən fişdən ayrılıb yenidən qoşula bilər.”
Vüsal
