Avstraliyanın Victoria ştatında keçirilmiş “Attitudes to School Survey 2025” (Məktəbə Münasibət Sorğusu) məktəblərdə zorakılıq hallarının azaldığını və şagirdlərin rifah səviyyəsinin artdığını ortaya qoyub. Sorğu nəticələri göstərir ki, xüsusilə 7‑9‑cu siniflərdə həm şifahi və onlayn zorakılıq, həm də irqçiliklə bağlı hadisələrdə əhəmiyyətli dərəcədə azalma müşahidə olunub.
AzEdu.az xarici mediaya istinadən xəbər verir ki, tələbələrin çoxu məktəbdə özlərini daha çox "görülmüş", "eşidilmiş" və "dəstəklənmiş" hiss etdiklərini bildiriblər. Bu da məktəb icmalarında müsbət mədəniyyətin formalaşdığını və psixoloji təhlükəsizlik mühitinin gücləndiyini göstərir.
