Cari ilin ilk yarısında Almaniyadan Azərbaycana birbaşa xarici investisiyaların həcmi 17,029 milyon ABŞ dolları təşkil edib.
Finss.az Mərkəzi Bankın məlumatına əsasən xəbər verir ki, bu göstərici 2024-cü ilin eyni dövrü ilə müqayisədə 27,1 milyon dollar və ya 61,4% azalıb. Hesabat dövründə Almaniyanın payı Azərbaycanın ümumi birbaşa xarici investisiyalarının 0,5%-ni təşkil edib.
Öz növbəsində, Azərbaycan bu müddətdə Almaniyanın iqtisadiyyatına 14 milyon ABŞ dolları sərmayə qoyub, ki, bu da ötən ilin eyni dövrü ilə müqayisədə 602 min dollar və ya 4,1% azdır. Azərbaycanın Almaniyaya yatırdığı investisiyaların ümumi birbaşa xarici investisiyalardakı payı 1%-ə bərabərdir. Beləliklə, Almaniya Azərbaycan üçün ən çox sərmayə qoyduğu ölkələr arasında 11-ci yerdə qərarlaşıb.
2024-cü ilin ilk yarısında Almaniyadan Azərbaycana birbaşa xarici investisiyaların həcmi 44,2 milyon dollar, Azərbaycandan isə Almaniyaya sərmayələr 14,575 milyon dollar olub.
Ümumilikdə, 2025-ci ilin ilk 6 ayında Azərbaycana cəlb olunan birbaşa xarici investisiyaların həcmi 3,222 milyard ABŞ dollarını ötüb, ki, bu da ötən ilin eyni dövrü ilə müqayisədə 244,3 milyon dollar və ya 8,2% artım deməkdir. Eyni zamanda, Azərbaycanın xarici ölkələrə yönəltdiyi birbaşa investisiyaların həcmi 1,350 milyard dollar təşkil edib, ki, bu da 2024-cü ilin ilk yarısı ilə müqayisədə 35,2% artım deməkdir.
Fuad Mədətov
Finss.az
