BAKI, 18 sentyabr. TELEQRAF
2024-cü ildə qlobal qızıl hasilatı 2023-cü illə müqayisədə 0,5 faiz artaraq 3600 ton təşkil edib.
Teleqraf xəbər verir ki, az artım tempinə baxmayaraq, həm sənaye, həm də maliyyə bazarlarında qızıla maraq yüksək olaraq qalır.
Ənənəvi olaraq birinci yerdə Çin, iki və üçüncü sırada Rusiya və Avstraliya gəlir. İlk beşliyə Kanada və ABŞ da daxil olub. Özbəkistan da on ən böyük ölkə arasındadır. Bu, Özbəkistanın dünya qızıl hasilatı və ticarətində artan rolunu təsdiqləyir.
“Qızıl hasilatı ənənəvi olaraq Özbəkistanın ixrac potensialının əsas istiqaməti olub. Ən böyük on istehsalçıya qoşulmaq iqtisadi sabitliyin möhkəmləndirilməsi, maliyyə sektorunun inkişafı və xarici investisiyaların cəlb edilməsi üçün yeni imkanlar açır”, - Özbəkistan KİV bildirib.
