Komitə bildirir ki, İsrail və Fələstin idmançıları qarşıdurmadan yayınır və Olimpiya Xartiyasına əməl edirlər...
Poliqon xəbər verir ki, İsrail idmançılarının beynəlxalq turnirlərdən kənarlaşdırılmasını tələb edən şərtlər mövcud deyil. Bu barədə açıqlama verən Beynəlxalq Olimpiya Komitəsi vurğulayıb ki, İsrail idmançıları fələstinli həmkarları ilə münaqişələrə girmirlər. Komitənin bəyanatında Paris Olimpiadası zamanı hər iki ölkənin nümayəndə heyətlərinin Olimpiya kəndində “eyni dam altında” yaşadığı xüsusi qeyd olunub.
MOK həmçinin bildirib ki, İsrail və Fələstin Milli Olimpiya komitələri rəsmi şəkildə tanınıb və “bərabər hüquqlara malikdirlər”. Bundan əlavə, hər iki təşkilat Olimpiya Xartiyasının müddəalarına əməl edir. Bu açıqlama Inside The Games nəşrində dərc olunub.
Xatırladaq ki, daha əvvəl İspaniyanın baş naziri Pedro Sançes MOK-u İsrail idmançılarının yarışlardan uzaqlaşdırılmasına çağırmışdı. Bununla yanaşı, İspaniyanın dövlət yayımçısı RTVE də 2026-cı ildə Vyanada keçiriləcək “Avroviziya” müsabiqəsini İsrail iştirakçısının qatılması halında boykot edəcəyini bəyan etmişdi.
Poliqon.info
