1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Bu gün səhər İranda yaşayış binasında dəhşətli partlayış baş verib. Hadisə nəticəsində azı altı nəfər həlak olub.
Bu barədə "Azad İran" "Telegram" kanalın xəbər verir.
Bildirilir ki, faciə Əhvaz şəhərinin Pərdis bölgəsində yerləşən dördmərtəbəli yaşayış binasında qeydə alınıb.
Hazırda xilasedicilər binada araşdırmalar aparır və dağıntılar altında qalan insanların olub-olmadığı dəqiqləşdirilir.
Hadisənin səbəbləri barədə hələlik rəsmi açıqlama verilməyib.
