Polşada uçan PUA insidenti: Şübhəlilər Belarus və Ukrayna vətəndaşlarıdır
Ajans.az Associated Press-ə istinadən xəbər verir ki,rəsmilərin verdiyi məlumata görə, saxlanılan şəxslərdən biri gənc Belarus vətəndaşı qadın, digəri isə 20 yaşından az olmayan Ukrayna vətəndaşı kişidir. Hadisə bazar ertəsi gecə baş verib. Dövlət Mühafizə Xidməti prezident sarayı üzərində uçan PUA-nı vaxtında müəyyən edərək zərərsizləşdirib. İnsidentin detalları hüquq-mühafizə orqanları tərəfindən araşdırılır. Xüsusi xidmət orqanlarını əlaqələndirən nazirin sözçüsü Yatsek Dobjinski çərşənbə axşamı keçirilən mətbuat konfransında insidentlə bağlı danışaraq, “Bunun böyük bir casusluq əməliyyatı olduğu ilə bağlı yayılan şayiələri inkar edirik” deyib. O, əlavə edib ki, hadisənin təfərrüatları ilə bağlı araşdırma davam edir və dəqiq nəticə çıxarmaq üçün hələ tezdir. Hadisə ilə bağlı ilkin məlumatda hər iki şübhəlinin Belarus vətəndaşı olduğu bildirilmişdi. Lakin daha sonra bu məlumat dəqiqləşdirilərək, onlardan birinin Ukrayna vətəndaşı olduğu açıqlanıb. Səlahiyyətlilər səhv informasiyanın nədən qaynaqlandığını araşdırır. PUA insidenti, keçən həftə Rusiya mənşəli pilotsuz uçuş aparatlarının Polşa hava məkanına daxil olmasından sonra ölkədə yüksək təhlükəsizlik rejiminin tətbiq olunduğu bir vaxta təsadüf edir. NATO bu insidentlərə cavab olaraq döyüş təyyarələri göndərmiş, bir neçə pilotsuz uçan aparat isə vurulmuşdu. Avropa İttifaqı və NATO rəsmiləri bu cür halları “təxribat xarakterli aktlar” kimi qiymətləndirərək, regional sabitlik üçün ciddi təhlükə hesab edirlər. Конец формы
