Sentyabrın 16-na keçən gecə İsrail Müdafiə Qüvvələri (IDF) Qəzzaya yeni genişmiqyaslı hücuma başlayıb. Məqsədi şəhəri tamamilə tutmaqdır.
“Cebheinfo.az” xəbər verir ki, kütləvi hava hücumlarından sonra İsrail hərbçiləri şəhər sərhədlərinə daxil olub. Yerli media onlarla itki olduğunu bildirib. Eyni zamanda, təhlükəsizlik xidməti rəsmilərə əməliyyatın böyük itkilərə və radikal Fələstinin HƏMAS hərəkatının əlində olan girovların ölümünə səbəb olacağı barədə xəbərdarlıq edib.
Təl-Əvivdə hökumətin qərarına qarşı kütləvi etiraz aksiyaları keçirilib. Bununla belə, Baş nazir Benyamin Netanyahu İsrailin təcridə və yeni çağırışlara hazır olduğunu bildirib. Amerika Birləşmiş Ştatları İsrail ordusunun hərəkətlərini dəstəkləyərək, əməliyyatın mümkün qədər tez başa çatacağına ümid etdiyini bildirib. Raket zərbələrinin və İsrail hərbçilərinin Qəzzaya qurudan hücumunun nəticələrinin ilk görüntüləri yayılıb.
