1962-ci ildə Diyarbəkir Kadastr Məhkəməsində açılan vərəsəlik iddiası 63 ildən sonra nəhayət qərara bağlanıb. Məhkəmə, 7011 kvadratmetri yoldan istifadə məqsədilə özgəninkiləşdirilən yerdə qalan 19489 kvadratmetr torpaq sahəsinin Abdulkadir Kikizadənin 17 vərəsəsi arasında bölünməsinə qərar verib.
Hafta.az-ın yazdığına görə, Çınar rayonunun Hücetti məhəlləsindəki 26500 kvadratmetr kənd təsərrüfatı sahəsinin Xəzinədarlığın lehinə qiymətləndirilməsindən sonra 25 yanvar 1962-ci ildə Diyarbəkir Kadastr Məhkəməsində qiymətləndirmənin ləğvi üçün iddia qaldırılıb.
İş boyu çoxsaylı hakimlər, prokurorlar, ekspertlər təyin edilib, çoxsaylı yoxlamalar aparılıb. Nəsillər boyu davam edən mirasın bölünməsi prosesi vaxtaşırı ailə üzvləri arasında fikir ayrılığına səbəb olurdu. Sağ qalan bəzi varislər məhkəmə işi gedən illərdə vəfat etdiyi halda, bəzi nəvə və nəticə də işin tərəfi olub. Bu müddət ərzində ailədən kənar iki şəxs də torpaq sahəsinə haqq iddia edib. İş 63 il sonra - 27 iyun 2025-ci ildə yekunlaşıb. Məhkəmə iclasında bildirdi ki, 7011 kvadratmetr ərazi Avtomobil Yolları Baş İdarəsi tərəfindən özgəninkiləşdirilib və ona görə də xəritədə belə göstərilməlidir.
Məhkəmə yerdə qalan 19489 kvadratmetr ərazinin torpağın sahibi Abdulkadir Kikizadənin 17 vərəsəsi arasında bölüşdürülməsi barədə qərar çıxarıb. 64 paya bölünərək 16 pay həyat yoldaşı Səbihə Kikizadəyə, üç pay isə 16 övladına və nəvəsinə verilib. Torpaq üzərində hüquq iddiasında olan iki şəxs isə torpaq hüququ olmadığı üçün pay siyahısından çıxarılıb.
