ain.az, Avtosfer portalına istinadən məlumat yayır.
Ordubad şəhərində baş vermiş yol-nəqliyyat hadisəsi anbaan avtomobilin videoregistratoruna düşüb.
Avtosfer.az-ın məlumatına görə, qəza bir müddət əvvəl, gecə saatlarında qeydə alınıb. Belə ki, hərəkətdə olan “Mercedes” markalı avtomobil, yolayrıcından sola dönən “VAZ-2107” markalı maşına çırpılıb. Kadrdan da göründüyü kimi, sağ zolaqda hərəkətdə olan sürücü, həmin zolaqdakı maşını qəfil görür və onunla toqquşmamaq üçün sola manevr edir. Lakin “VAZ”ın sürücüsü də eyni anda sola dönür, buna görə qəza qaçılmaz olur.
Hadisənin baş verdiyi ərazidə işıqlandırma demək olar ki, yoxdur. Bu, gecə saatlarında hərəkəti daha təhlükəli edir. Belə yollarda sürücülər maksimum dərəcədə ehtiyatlı davranmalıdır. İlk növbədə onlar sürət həddini mümkün qədər azaltmalı və sükan arxasında diqqəti yayındıran amillərdən (telefon, musiqi) uzaq durmalıdırlar.
Digər vacib məqam isə işıq cihazlarının işlək vəziyyətdə olmasını öncədən yoxlamaq və onlardan düzgün istifadə etməkdir. Qaranlıqda sürücülər özəlliklə məsafə saxlamalıdır; öndə gedən avtomobillə aradakı məsafə artırılmalıdır ki, qəfil dayanma zamanı toqquşma baş verməsin.
Bununla yanaşı, yol nişanlarını izləmək də mütləqdir. Gecə saatlarında döngələr, körpülər və ya təhlükəli sahələr barədə xəbərdarlıq edən nişanlara daha çox diqqət yetirilməlidir.
Eyni zamanda, sürücülərin üzərinə düşən öhdəliklərdən biri də piyadalara və heyvanlara qarşı ehtiyatlı davranmaqdır. Xüsusilə kənd ərazilərindən və yaşayış məntəqələrindən keçərkən, yol kənarlarını diqqətlə izləmək lazımdır.
Nərmin
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
