1 iyul 2024-cü ildən etibarən Oxu.az mobil tətbiqinin köhnə versiyasına dəstək dayandırılacaq - yenilənmiş versiyanı endirmək üçün Google Play və ya AppStore-a keçməyiniz xahiş olunur.
Amerikalılar ictimai fəal və siyasətçi Çarli Kirkin qətli ilə bağlı fikirlərinə görə kütləvi şəkildə işlərini itirməyə başlayıblar.
Oxu.Az bu barədə "The Guardian" nəşrinə istinadla xəbər verir.
Prezident Donald Trampın administrasiyası artıq müəllimləri, yanğınsöndürənləri, jurnalistləri, Məxfi Xidmət əməkdaşlarını, hərbi qulluqçuları, "Nasdaq" birjasının mütəxəssisini və Milli Futbol Liqası komandasının üzvünü işdən çıxarıb və ya intizam məsuliyyətinə cəlb edib.
Səbəb onların sosial şəbəkələrdə Kirkin qətlini "tərifləyən, rasionallaşdıran və ya bəraət qazandıran" şərhləri olub.
Bundan əlavə, Pentaqonun rəhbəri Pit Heqset cinayəti "lağa qoyan və ya bəraət qazandıran" bütün hərbi personalın və Pentaqon işçilərinin müəyyən edilməsini əmr edib.
"NBC News"un məlumatına görə, artıq bir neçə hərbçi xidmətdən uzaqlaşdırılıb, Müdafiə Nazirliyinin onlarla mülki əməkdaşı isə istintaq altındadır.
