ain.az, Idman.biz portalından verilən məlumatlara əsaslanaraq xəbər verir.
Beynəlxalq Olimpiya Komitəsi (BOK) yarışların nəticələri ilə manipulyasiyanın qarşısını almaq üçün çalışacaq 10 idmançı səfirin adını açıqlayıb.
Bu barədə İdman.biz BOK-un saytına istinadən xəbər verir.
Bütün qitələrdən və 10 müxtəlif idman növündən olan idmançılar yarışların nəticələrinin manipulyasiyası təhlükəsi barədə idmançılar və rəsmilər arasında məlumatlılığın artırılması məqsədi daşıyan BOK-un təşəbbüsü olan "İdmana İnan" yeni kampaniyasının səfirləri elan edilib.
Səfirlərin siyahısı belədir: Dominik Uindiş (İtaliya, biatlon), Mark Freyzer (Kanada, xokkey), Yu Ra-min (Cənubi Koreya, fiqurlu konkisürmə), Matelita Bouadromo (Fici, üzgüçülük), Ceyn-Enn Klekston (Avstraliya, hokkey), Esra Gümüş Kırıcı (Turkiyə, voleybol), Kadi Kanute Tunkara (Mali, basketbol), Hotso Mokoena (Cənubi Afrika, atletika), Ayako Rokkaku (Yaponiya, beysbol) və Artur Zanetti (Braziliya, gimnastika).
Qeyd olunur ki, Uindiş, Freyzer və Yu Ra-min 2026-cı il Olimpiadasında Milan və Kortina d’Ampezzonun olimpiya kəndlərində xüsusi “İdmana İnan” stendlərində idmançılar və onları müşayiət edən şəxslərlə ünsiyyətdə olacaqlar.
Səfirlər İsveçrənin Lozanna şəhərindəki Olimpiya Evində təlim-seminarda iştirak ediblər.
İdman.biz
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
