Bakıda yol-nəqliyyat hadisəsi törədib hadisə yerindən qaçan yük avtomobilin sürücüsü məsuliyyətə cəlb edilib.
Bu barədə Bakı şəhər Dövlət Yol Polisi İdarəsinin şöbə rəisi, polis kapitanı Toğrul Nəsirli məlumat verib.
O bildirib ki, sosial şəbəkələrə yayılan görüntü araşdırılıb:
"Sentyabrın 9-da Binəqədi rayonu DSK yolu adlanan ərazidə "İsuzu" markalı, 77 GR 125 qeydiyyat nişanlı avtomobilin sürücüsü yol nəqliyyat hadisəsi törədərək hadisə yerindən yayınıb. Qəza zamanı 2 avtomobilə maddi ziyan dəyib. Sürücü barəsində qanunamüvafiq tədbir görülüb".
