Milli Hidrometeorologiya Xidmətinin sentyabrın 5-i saat 10:00-a olan məlumatına əsasən, ölkənin bir sıra ərazilərində - Qusar (Laza), Daşkəsən, Gədəbəy, Tərtər, Göygöl, Kəlbəcər, Laçın, Qubadlı, Şuşa və Xankəndidə qısamüddətli leysan xarakterli yağış yağıb, şimşək çaxıb.
Xidmətdən AZƏRTAC-a verilən məlumata görə, düşən yağıntının miqdarı Qusar (Laza), Daşkəsən, Gədəbəy, Sədərək, Tərtər, Göygöl, Kəlbəcər, Laçın, Qubadlı, Şuşa və Xankəndidə 3 millimetrədək qeydə alınıb.
Ölkənin bir sıra ərazilərində arabir şimal-qərb küləyi əsib, küləyin maksimal sürəti saniyədə Daşkəsəndə 23, Bakıda və Abşeron yarımadasında isə 20 metrədək güclənib.
