AZ

Lukaşenko SİRLƏRİ AÇDI – Belarus liderinin Trampla telefon danışığının DETALLARI

Belarus Prezidenti Aleksandr Lukaşenko ABŞ lideri Donald Trampla telefon danışığı ilə bağlı yeni detalları açıqlayıb.

Hurriyyet.az xəbər verir ki, Lukaşenko bu barədə Çin Media Korporasiyasına müsahibəsində danışıb.

Lukaşenko ölkəsinin geosiyasi vəziyyətinə toxunaraq bildirib ki, Belarus tarixən və coğrafi baxımdan Şərqlə Qərbin arasında yerləşdiyi üçün daim tərəf seçmək təzyiqi ilə üzləşib.

Onun sözlərinə görə, bu xüsusilə Sovet İttifaqının dağılmasından sonra daha aydın hiss olunub. “Dünyada, yəqin ki, Belarus qədər mürəkkəb şəraitdə olan başqa bir ölkə yoxdur”, — deyə dövlət başçısı vurğulayıb.

Prezident əlavə edib ki, Trampla avqustun 15-də baş tutan telefon danışığı təxminən 35 dəqiqə davam edib. “Biz bəzi məsələləri müzakirə etdik. O, bəlkə də əvvəlcə belə bir söhbətə hazır deyildi.

Amma söhbət uzandı və o, mənə belə bir ifadə işlətdi: ‘Uğurlar arzulayıram. Sənin ölkən çox çətin vəziyyətdədir və bunun öhdəsindən yalnız güclü lider gələ bilər’”, — deyə Lukaşenko bildirib.

Onun sözlərinə görə, ABŞ prezidenti həm Belarusun şərqində, həm də qərbində yaranan çətinlikləri anlayışla qarşılayıb.

“Cənubda müharibə gedir, şimalda isə baltik qonşularımızla kifayət qədər gərginlik var. O da bununla razılaşdı və Belarusun çox mürəkkəb durumda olduğunu qeyd etdi”, — Lukaşenko əlavə edib.

Bizim.media

Seçilən
20
2
hurriyyet.az

10Mənbələr