Bizimyol saytından alınan məlumata görə, ain.az bildirir.
"Avropa üçlüyü" (A-3) adlanan Böyük Britaniya, Fransa və Almaniya avqustun 29-da BMT Təhlükəsizlik Şurasının qapalı iclasında İranı sanksiyaların bərpasını gecikdirmək və diplomatiyaya şans vermək üçün üç şərti yerinə yetirməyə çağırıb.
Bizimyol.info xəbər verir ki, A-3, Tehran aşağıdakı hallarda snapback prosesini altı aya qədər dondurmağı təklif etdi:
Beynəlxalq Atom Enerjisi Agentliyinin (BAEA) müfəttişlərinin öz ərazilərinə girişini bərpa edir;zənginləşdirilmiş uran ehtiyatları ilə bağlı narahatlıqları aradan qaldırır;ABŞ ilə birbaşa danışıqlara gedir.
"Tələblərimiz ədalətli və realdır. Lakin bu günə qədər İran onları yerinə yetirmək üçün ciddi niyyət göstərməyib. Biz İranı bu mövqeyinə yenidən baxmağa, təklifimiz əsasında razılığa gəlməyə və bu problemin uzunmüddətli perspektivdə diplomatik həlli üçün məkan yaratmağa kömək etməyə çağırırıq”, - deyə Böyük Britaniyanın BMT-dəki səfiri Barbara Vudvord müttəfiqlər adından danışıb.
Tehran bu təşəbbüsü rədd edib. İranın BMT-dəki səfiri Əmir Səid İrəvani deyib ki, A-3 təklifi “real olmayan ilkin şərtlərlə doludur”.
“Onlar danışıqların başlanğıc nöqtəsi deyil, nəticəsi olması lazım olan şərtlər irəli sürürlər və bilirlər ki, bu tələblər yerinə yetirilə bilməz” , - deyib. Əvəzində İrəvani A-3-ün nüvə proqramını məhdudlaşdırmaq müqabilində BMT və Qərbin İrana qarşı sanksiyalarını ləğv edən 2015-ci il nüvə sazişini əks etdirən “2231 saylı qətnamənin qısamüddətli, qeyd-şərtsiz uzadılmasını” dəstəkləməyi təklif edib.
Bu arada Rusiya və Çin BMT Təhlükəsizlik Şurasının öz qətnamə layihəsini müzakirəyə çıxarıblar. Sənəd 2015-ci il müqaviləsini daha altı ay uzadacaq və bütün tərəfləri dərhal danışıqlar masasına qayıtmağa çağıracaq. Lakin onlar hələ layihəni səsverməyə qoymayıblar. İranlı diplomat layihəni diplomatiyaya daha çox vaxt qazandıracaq “praktik addım” adlandırıb.
Moskva və Pekin qətnamənin orijinal variantından A-3-ü yenidən sanksiyalara başlamaq hüququndan məhrum edən müddəaları çıxarıb. Sənədin qəbulu üçün ən azı doqquz “lehinə” səs və Təhlükəsizlik Şurasının daimi üzvlərindən veto qoyulmaması tələb olunacaq.
Qadir, Bizimyol.info
Hadisənin gedişatını izləmək üçün ain.az saytında ən son yeniliklərə baxın.
