ain.az, Cebheinfo portalına istinadən məlumat verir.
Yeni tədris ilində ölkə üzrə bəzi məktəblərin birləşdirilməsi planlaşdırılır.
Şagird sayı az olan məktəblərin yaxın ərazilərdəki məktəblərlə birləşdirilməsi nəzərdə tutulur. Hələ ki, hansı məktəblərin birləşdiriləcəyi ilə bağlı dəqiq məlumat yoxdur.
Bəs 2025–2026-cı tədris ili üçün ölkə üzrə hansı məktəblər birləşdiriləcək?
Məsələ ilə bağlı “Cebheinfo.az”-ın sorğusuna Məktəbəqədər və Ümumi Təhsil üzrə Dövlət Agentliyindən bildirilib ki, məktəblərin birləşdirilməsi təhsili daha səmərəli təşkil edilməsi məqsədi daşıyır:
“Vətəndaşların yaşayış yerlərini dəyişmələri, şəhər və rayon mərkəzlərinə axın etmələri ilə əlaqədar bəzi yaşayış məntəqələrində məktəblərin şagird sayının azalması səbəbindən təbii şəkildə fəaliyyətini dayandırması və ya şagird sıxlığı nəticəsində yeni təhsil müəssisələrinin açılması zərurəti yaranır.
Müəssisələrdəki şagird sayı və kadr təminatı məsələləri nəzərə alınaraq təhlillər aparılır, təhsil müəssisələrinin rasionallaşdırılması prosesi həyata keçirilir.
Rasionallaşdırılmanın həyata keçirilməsində məqsəd mövcud məktəb şəbəkəsinin optimallaşdırılması, mövcud resursların və ayrılan xərclərin səmərəli bölüşdürülməsi, eləcə də, daha dayanıqlı təhsil infrastrukturunun və keyfiyyətli təhsil mühitinin formalaşdırılmasıdır”.
Qeyd olunub ki, hazırda hansı məktəblərin birləşdiriləcəyi ilə bağlı dəyərləndirmələr aparılır:
“Rasionallaşdırılmaya (tipi dəyişdirilən, fəaliyyəti dayandırılan) təqdim edilən məktəblərin hər birinə fərdi qaydada yanaşılıb, bu müəssisələrdə təhsil alan şagirdlərin təhsil almaq hüququ və tədrisin fasiləsizliyi həmin və ya digər məktəbdə təmin edilib.
Proses çərçivəsində 2025–2026-cı tədris ili üçün ölkə üzrə şagird sayı, kadr təminatı, mövcud infrastruktur və təhsil mühitinin keyfiyyəti nəzərə alınmaqla təhlillər və dəyəndirmələr davam edir”.
Gülər
"Cebheinfo.az"
Açar sözlər:
məktəblər Məktəbəqədər və Ümumi Təhsil üzrə Dövlət Agentliyi
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
