2025-ci il avqust ayının 1-nə Azərbaycan iqtisadiyyatına cəmi kredit qoyuluşları ( bank və qeyri-bank birlikdə) 30 milyard 257.9 milyon manat təşkil edib.
Bu göstərici cari ilin əvvəli ilə müqayisədə 3.3% çoxdur.
2024-cü ilin avqust ayının 1-i ilə müqayisədə isə iqtisadiyyata kredit qoyuluşları 11% və ya 2 milyard 989 milyon manat artıb.
Qeyd edək ki, bu dövrdə dövlət bankları tərəfindən kredit qoyuluşları 7 milyard 400 milyon manat, özəl banklar tərəfindən 21 milyard 98 milyon manat, qeyri-bank kredit təşkilatları tərəfindən isə 1 milyard 759.7 milyon manat təşkil edib.
Xatırladaq ki, hesabat tarixinə bankların kredit portfelinin həcmi 28 milyard 498.2 milyon manata bərabər olub ki, bunun da 15 milyard 55.8 milyon manatı biznes kreditləri, 9 milyard 2.2 milyon manatı istehlak kreditləri, 4 milyard 440.2 milyon manatı isə ipoteka kreditləri olub.
