Qax rayonunun Oncallı kəndində Birinci Qarabağ müharibəsində itkin düşmüş hesab edilən və nəşinin qalıqları 32 il sonra tapılan Natiq Zeynal oğlu Kərimovla vida mərasimi keçirilib.
"Unikal" xəbər verir ki, vida mərasimində şəhidin doğmaları, rayonun rəsmi şəxsləri və ictimaiyyət nümayəndələri iştirak ediblər.
N.Kərimov 1971-ci il avqustun 3-də anadan olub. 1993-cü il aprelin 2-də Füzuli rayonunun Qacar kəndi istiqamətində gedən döyüşlərdə itkin düşüb. Onun nəşinin qalıqları Xocavənd rayonunun Zoğalbulaq kəndində tapılıb.
Şəhidin nəşinin qalıqları Oncallı kənd qəbiristanlığında dəfn olunacaq.
