ain.az bildirir, Redaktor.az saytına əsaslanaraq.
Son illərdə bir çox insan firma istehsalı olan dərmanlara qarşı etibarını itirib. Əhali arasında belə bir fikir yayılıb ki, bu dərmanlar real fayda vermir, əksinə, yalnız müvəqqəti təsir göstərir. Xəstələrin bir qismi isə ümumiyyətlə həkim təyinatına baxmayaraq həmin preparatlara müraciət etmir.
Mövzu ilə bağlı Redaktor.az-a danışan əczaçı Vüqar Qasımov bildirdi ki, "Firma dərmanları" anlayışı 2016-cı ilədək dərmanların vahid satış qiyməti təsdiq olunana qədər bəzi firmaların həkimlərlə əməkdaşlıq quraraq dərmanları maya dəyərindən qat-qat baha satması nəticəsində yaranıb:
"Lakin 2016-cı ildən sonra bu yanaşma dəyişib. 2016-cı ildən sonra dərmanların qiymətləri Tarif Şurasının tənzimləməsinə keçdi və qiymətlərin süni şəkildə şişirdilməsi aradan qalxdı. Bundan sonra bəzi firmalar həkimlərə dərmanlar deyil, "bioloji fəallığa malik qida əlavələri" (BFMQƏ) yazdırmağa başladılar. Beləliklə, "firma dərmanları" anlayışı indi əsasən bu tip əlavələrə aid edilməyə başlandı. Təbii ki, BFMQƏ dərman sayılmır və xəstəliklərin müalicəsində yalnız köməkçi vasitə kimi istifadə oluna bilər. Bu əlavələr əsasən "tövsiyə bankında" və məsləhət xarakterli təqdim olunur. Lakin bəzi həkimlər BFMQƏ-ləri "resept bankında" yazırlar. Nəticədə xəstələr bu məhsulları yüksək qiymətə alır, lakin gözlənilən faydanı əldə edə bilmirlər".
Nuriyyə NATİQQIZI
Ən son xəbərləri və yenilikləri almaq üçün ain.az saytını izləyin.
