AZ

Azərbaycanda problemli kreditlər artır: NİYƏ?

Azərbaycanda avqustun 1-nə olan məlumata əsasən, vaxtı keçmiş kreditlərin məbləği 529,4 milyon manata çatıb.

Azərbaycan Mərkəzi Bankına (AMB) məlumatına əsasən, bu, iyunun 1-i ilə müqayisədə 0,4 % çoxdur.

Ölkədə problemli kreditlərin məbləği ilin əvvəlinə nisbətən 17,9 %, son 1 ildə isə 16,7 % artıb.

Bəs problemli kreditlər niyə artır? 

Mövzu ilə bağlı “Cebheinfo.az”-a açıqlama verən iqtisadçı-ekspet Natiq Cəfərli bildirib ki, istehlak kreditlərinin sürətlə artması problemli kreditlərin əsas səbəbinə çevrilib:

“Problemli kreditlərin artmasının əsas səbəbi istehlak kreditləridir. Banklar əsasən gəlir əldə etməyə çalışdıqları üçün biznes və istehsal kreditlərinin verilməsi onlar üçün o qədər də sərfəli deyil.

Çünki bu kreditlər uzunmüddətli olur və gəlirliliyi istehlak kreditləri ilə müqayisədə daha aşağıdır. Buna görə də banklar vətəndaşları daha çox istehlak krediti götürməyə yönləndirirlər. Vətəndaşlar isə istənilən şərtlərə baxmayaraq kredit götürməyə razılaşırlar.

Gəlirlərinin aşağı olması səbəbindən insanlar əsasən kreditlərdən istifadə etməyə üstünlük verirlər. Nəticədə istehlak kreditlərinin həcmi artdıqca, geri qaytarılması çətin olan problemli kreditlərin də miqdarı artır”.

Seçilən
19
cebheinfo.az

1Mənbələr