“Sabah” heyətini yeni futbolçu ilə gücləndirib.
Bizim.Media klubun mətbuat xidmətinə istinadən xəbər verir ki, serbiyalı hücumameyilli yarımmüdafiəçi Velko Simiçin keçidi ilə bağlı Türkiyənin “Sivasspor” klubu ilə razılıq əldə edilib.
Anlaşmaya əsasən, futbolçu 1 il icarə əsasında komandanın uğurları üçün çalışacaq.
Qeyd edək ki, Simiç karyerası ərzində “Sivasspor”la yanaşı, Serbiyanın “Srvena Zvezda” (2012-2013, 2018-2021), “Zemun” (2018), “Voyvodina” (2021-2023), İsveçrənin “Bazel” (2013-2017), “Şaffhauzen” (2016), “Kyasso” (2016-2017), “Vintertur” (2017), Sloveniyanın “Domjale” (2014-2015) və Kiprin “Omoniya” (2023-2025) klublarında çıxış edib.
Velko Serbiyanın müxtəlif yaş qruplarından ibarət yığmalarının və əsas millinin üzvü olub. O, “Sabah”da 21 nömrəli formada çıxış edəcək.
Bizim.Media
