ABŞ Müdafiə Nazirliyinə bağlı Müdafiə Təhlükəsizliyi Əməkdaşlıq Agentliyi (DSCA) satışın təsdiqlənməsi ilə bağlı yazılı açıqlama verib.
Turkustan.az xəbər verir ki, açıqlamada, “Xarici İşlər Nazirliyi, təxmini dəyəri 825 milyon dollar olan “Havadan Çatdırılan Sursatlar” və əlaqədar avadanlıqların Ukrayna hökumətinə mümkün satışını təsdiqləyən qərar qəbul edib.
Açıqlamada Ukraynanın Qlobal Mövqe Müəyyənetmə Sistemləri kimi bu sistemlərə uyğun 3350 Uzun Mənzilli Hücum Sursatları (ERAM) raketləri və avadanlıq tələb etdiyi və satış üçün lazım olan rəsmi bildirişin ABŞ Konqresinə göndərildiyi bildirilib.
Açıqlamada həmçinin bildirilib ki, satışa raket konteynerləri, ehtiyat hissələri, dəstək avadanlığı, proqram təminatı, texniki sənədlər, təlim və logistika materialları daxildir.
Satışın bölgədəki “əsas hərbi balansı” dəyişdirməyəcəyi vurğulanan açıqlamada, “Bu satış Avropada siyasi sabitliyin və iqtisadi tərəqqinin qarantı olan bir müttəfiqinin təhlükəsizliyini gücləndirərək ABŞ-ın xarici siyasət və milli təhlükəsizlik hədəflərini dəstəkləyəcək” ifadəsi işlədilib.
Ukrayna bu alışı ABŞ-ın Xarici Hərbi Maliyyələşdirmə (FMF) proqramı çərçivəsində Danimarka, Hollandiya və Norveç kimi ölkələrdən maliyyələşdirərək həyata keçirəcək. Satış üçün ABŞ Konqresinin son təsdiqi tələb olunur.
Aytən Yaşar/ Turkustan.az
