UEFA Çempionlar Liqasında əsas mərhələnin püşkü atılıb.
Senzor.az bildirir ki, Fransanın Monako şəhərində keçirilən püşkatma mərasimində Azərbaycan təmsilçisi “Qarabağ”ın da rəqibləri bəlli olub.
Ağdam klubu Liqa mərhələsində İngiltərənin “Çelsi”, “Liverpul”, Portuqaliyanın “Benfika”, Almaniyanın “Ayntraxt”, Niderlandın “Ayaks”, İtaliyanın “Napoli”, İspaniyanın “Atletik” və Danimarkanın “Kopenhagen” komandaları ilə oynayacaq. “Qarabağ” səkkiz matçdan dördünü evdə, dördünü isə səfərdə keçirəcək:
“Qarabağ” - “Çelsi” (İngiltərə)
“Liverpul” (İngiltərə) - “Qarabağ”
“Benfika” (Portuqaliya) - “Qarabağ”
“Qarabağ” - “Ayntraxt” (Almaniya)
“Qarabağ” - “Ayaks” (Niderland)
“Napoli” (İtaliya) - “Qarabağ”
“Atletik” (İspaniya) - “Qarabağ”
“Qarabağ” - “Kopenhagen” (Danimarka)
Qeyd edək ki, UEFA Çempionlar Liqasının əsas raundunda ilk turun görüşləri sentyabrın 16-18-də təşkil olunacaq. Pley-off mərhələsinə fevralın 17-18-də start veriləcək. Final qarşılaşması isə mayın 30-da Macarıstanın paytaxtı Budapeştdə reallaşacaq.
**09:42
"Ferentsvaroş"u (Macarıstan) mübarizədən kənarlaşdırmaqla UEFA Çempionlar Liqasında (ÇL) Liqa mərhələsinə adlayan "Qarabağ"ın rəqibləri bu gün bəlli olacaq.
Senzor.az bildirir ki, yarışın Liqa mərhələsinin püşkü Monako şəhərində atılacaq.
Püşkatma mərasimi Bakı vaxtı ilə saat 20:00-da başlayacaq. Tədbirdə "Qarabağ" klub rəhbərliyi səviyyəsində təmsil olunacaq.
Liqa mərhələsində "Qarabağ"ın səkkiz rəqibi olacaq. Ağdam təmsilçisi oyunlardan dördünü evdə, dördünü isə səfərdə keçirəcək.
Xatırladaq ki, ÇL-in əsas mərhələsində 36 komanda iştirak edəcək.
