Saç vitaminləri saçın uzanmasına, güclənməsinə və parlaqlıq qazanmasına kömək edə bilər. Lakin onların faydaları ilə bağlı elmi sübutlar hələ də məhduddur.
Pravda.az bildirir ki, populyar saç əlavələri tərkibində adətən biotin, C və E vitaminləri, kollagen, fol turşusu və omega-3 yağ turşuları olur.
Sağlam saç üçün zülal, A, B12, C, D, E vitaminləri, biotin, dəmir, sink və selenium kimi maddələr vacibdir. Araşdırmalar göstərir ki, bu vitaminlər əsasən çatışmazlıq hallarında effekt verir. Əks halda, əlavə vitamin qəbulu saçın vəziyyətini yaxşılaşdırmaya, hətta əks təsir göstərə bilər. Saç tökülməsinin səbəbini tapmaq və lazım gəldikdə həkimlə məsləhətləşmək daha məqsədəuyğundur.
Qeyd: Saç vitaminlərinə pul xərcləməkdənsə, balanslı və rəngarəng qidalanmaya üstünlük verin – bu, sağlam saçların əsas açarıdır.
Əminə Bayramova
