Ukrayna Prezidenti Volodimir Zelenski ölkəsinə göstərilən dəstəyə görə Azərbaycana minnətdarlığını bildirib.
Moderator.az xəbər verir ki, bu barədə Ukrayna lideri "X" sosial şəbəkəsində paylaşım edib.
O qeyd edib ki, Azərbaycan Prezidenti İlham Əliyevin Müstəqillik Günü münasibətilə təbriklərini, eləcə də Ukraynaya və Ukrayna xalqına olan ehtiramını yüksək qiymətləndirir.
"Hörmətli Prezident, Ukrayna və Azərbaycan hər zaman bir-birinin suverenliyini və ərazi bütövlüyünü dəstəkləyiblər. Biz humanitar və digər yardımlara görə dost Azərbaycana səmimi minnətdarıq. Xalqlarımızın rifahı naminə strateji tərəfdaşlığımızı daha da gücləndirməyi səbirsizliklə gözləyirik", - Zelenski vurğulayıb.
I highly appreciate President of Azerbaijan İlham Aliyev’s @presidentaz congratulations on Ukraine's Independence Day and his respect for Ukraine and Ukrainians. Dear President, Ukraine and Azerbaijan have always supported each other's sovereignty and territorial integrity. We… pic.twitter.com/7ORbFcX2l7
— Volodymyr Zelenskyy / Володимир Зеленський (@ZelenskyyUa) August 24, 2025
