Etibarlı ABŞ vizası olan 55 milyondan çox əcnəbi vətəndaşı mümkün immiqrasiya pozuntuları ilə bağlı yoxlanılır. Bu barədə ABŞ Dövlət Departamenti bildirib.
“Cebheinfo.az” bu barədə “Associated Press”ə istindən xəbər verir.
Dövlət Departamenti agentliyə bildirib ki, o, ABŞ vizası sahiblərinin uyğunluqlarını “daim” yoxlayır.
Xüsusilə departament viza müddətinin keçib-keçmədiyini yoxlayır və həmin şəxsin cinayət və ya terrorla əlaqəsi olub-olmadığını müəyyənləşdirir. Əgər əcnəbinin tələbləri pozduğu üzə çıxarsa, onun vizası ləğv ediləcək. Əgər şəxs ABŞ-də olarsa, ölkədən qovulacaq.
Dövlət Departamenti qeyd edib ki, Donald Trampın 2025-ci ilin yanvarında inauqurasiyasından sonra departament keçən ilin eyni dövrü ilə müqayisədə iki dəfə çox vizanı ləğv edib. Eyni zamanda, ləğv edilən tələbə vizalarının sayı 4 dəfə artıb.
Dövlət Departamenti avqustun əvvəlində bildirmişdi ki, 6000-dən çox tələbə vizasını çox qalmaq və qanunları pozmaq, o cümlədən hücum, sərxoş vəziyyətdə avtomobil idarə etmək və terrorizmi dəstəkləmək üçün ləğv edib.
Departamentdən bildirilib ki, qanun pozuntularına görə 4000-ə yaxın vizanın, terrorla bağlı səbəblərə görə isə 200-300-ə yaxın viza ləğv edilib. Vizası yoxlanılanlar arasında bütün ölkələrin, o cümlədən Azərbaycanın da vətəndaşları var.
