Yaponiyanın Honsyu adasının sahillərində 5,7 bal gücündə zəlzələ baş verib. SİA xəbər verir ki, bu barədə Avropa-Aralıq dənizi Seysmoloji Mərkəzi məlumat yayıb.
Bildirilib ki, yeraltı təkanların episentri 117 min nəfərə yaxın insanın yaşadığı İşinomaki şəhərindən 76 km şimal-şərqdə, 50 km dərinlikdə yerləşib. Tələfat və dağıntılar barədə məlumat verilməyib. Sunami təhlükəsi elan edilməyib.
