Alimlər 120 milyon ildən çox əvvəl yaşamış kiçik su sürünən Hyphalosaurusun unikal fosilini təsvir ediblər.
SİA-nın məlumatına görə, “New Voice” yazır ki, tapıntının özəlliyi heyvanın iki başı və iki uzun boynu olmasıdır. Hyphalosaurus, minlərlə yaxşı qorunan fosil sayəsində tanınan kiçik bir su kərtənkələsi idi.Ancaq tapılan nümunənin unikal olduğu ortaya çıxdı - onun iki tam formalaşmış başı var.
2006-cı ildə Çindən olan paleontoloqlar Biology Letters jurnalında bu tapıntını təsvir ediblər.
Onlar öz işlərində qeyd ediblər ki, “Çiyin qurşağı səviyyəsindən başlayaraq, onurğa iki sıra boyun fəqərələrinə bölünərək iki kəllə ilə bitən iki uzun boyun əmələ gətirir”.
Bu fenomen eksenel bifurkasiya kimi tanınır.
Bu, embrion əkizlərə bölünməyə başlayanda baş verir, lakin proses tamamlanmır.
Belə hallar nadir də olsa, bu gün məlumdur: müxtəlif ölkələrdə ikibaşlı ilanlar, tısbağalar, salamandrlar, köpəkbalıqları və hətta marallar tapılıb.
Hyphalosaurus fosili cəmi 70 millimetr uzunluğunda idi. Bu, onun ya hələ bir embrion olduğunu və ya yeni doğulduğunu göstərir. Çox güman ki, iki başlı heyvanların əksəriyyəti kimi, yetkinliyə qədər sağ qalmamışdır.
Nazlı Almuradova
