“Mançester Yunayted”in baş məşqçisi Ruben Amorim Premyer Liqanın 1-ci turunda “Arsenal”a uduzduqları matçı (0:1) şərh edib.
QOL.az xəbər verir ki, o, məğlubiyyətə baxmayaraq, komandasından razı qaldığını deyib:
"Futbolçularımla fəxr edirəm. Onlar oyun ərzində atdıqları addımlarla əsl cəsarət göstərdilər. Oyuna görə təbrik edirəm, amma nəticəyə görə yox, çünki evdə uduzduq. Əlbəttə, fərqli nəticəyə layiq idik. Ötən mövsümdən daha aqressivik, daha çox. Bütün oyun boyu təkbaşına irəlilədik və pressinq etdik.
Topla yaxşı davranırıq. Stadionda təzyiq olsa belə, öz oyunumuzu qoruduq. Amma istənilən halda qalib gəlmək lazımdır".
