Səfir: Pakistan Ermənistanla bağlı siyasətini dəyişmək niyyətində deyil

Pakistan, Azərbaycanla əvvəlcədən məsləhətləşmədən Ermənistanla bağlı siyasətini dəyişmək niyyətində deyil.

Bizim.Media xəbər verir ki, bunu Pakistanın Azərbaycandakı səfiri Qasım Mohiuddin Pakistanın müstəqilliyinin 78-ci ildönümü münasibətilə səfirlikdə keçirilən tədbirdə deyib.

Onun sözlərinə görə, Pakistan bu günə qədər Ermənistanı müstəqil dövlət kimi tanımayıb:

“Bunun səbəbi Ermənistanın Azərbaycan ərazilərini qeyri-qanuni işğal etməsidir”.

Səfir vurğulayıb ki, bu, qardaş Azərbaycanla olan sevgi, hörmət və həmrəyliyimizin təzahürüdür:

“Biz bu siyasətə artıq otuz ildir sadiqik və dəyişiklik yalnız Azərbaycandakı dostlarımızla məsləhətləşmədən sonra mümkündür". (Report.az)

Bizim.Media

• Ermənistan
• Səfir
• Siyasət
• Pakistan
• Müstəqillik