Çinin Guanqdonq bölgəsində sürətlə yayılan "çikunqunya" virusu, ağcaqanad vasitəsilə yoluxur və yüksək hərarət, oynaq ağrısı, yorğunluq, dəri səpgiləri kimi əlamətlərlə özünü göstərir.
News24.az xəbər verir ki, son həftələrdə 7,700-dən çox yoluxma qeydə alınıb. Virus ilk dəfə 1952-ci ildə Tanzaniyada aşkar olunub.
Xəstəlik adətən 1-2 həftəyə keçir, amma bəzən oynaq ağrıları uzun müddət davam edə bilər. Hal-hazırda peyvənd mövcud deyil, müalicə simptomlara yönəlib. Yağış və tayfunlar ağcaqanad sayını artırdığı üçün yayılma sürətlənib. Çin və ABŞ rəsmiləri vətəndaşları xəbərdar edib, profilaktik tədbirlər görülür.
Xeyrənsə Piriyeva