"İnter Mayami"nin argentinalı hücumçusu Lionel Messi Liqa Kubokunun meksikalı "Nekaksa" ilə ev oyununda sağ ayağından zədə alıb.
"Report"un xəbərinə görə, bu barədə "İnter Mayami"nin mətbuat xidməti məlumat yayıb.
Argentinalı matçın 11-ci dəqiqəsində əvəzlənib. Belə ki, Messi dizlərində narahatlıq hiss edib.
Klubun press-relizində Messinin yüngül zədə aldığı qeyd edilib. Hücumçu reabilitasiya prosedurlarından keçməli olacaq, futbolçunun meydana qayıtma tarixi dəqiqləşdirilməyib.
Messinin 38 yaşı var, 2023-cü ilin yayından "İnter Mayami"də çıxış edir. Futbolçu ötən mövsüm MLS-in müntəzəm çempionluğunu qazanıb və turnirin ən yaxşı oyunçusu kimi tanınıb. Onun klubla müqaviləsi 2025-ci ilin sonuna kimi nəzərdə tutulub.
