Bakı, 1 avqust, AZƏRTAC
Yeni mövsümdə Azərbaycanı Avropa Kubokunda təmsil edəcək “Abşeron Lions" heyətini yeni basketbolçu ilə gücləndirib.
Klubdan AZƏRTAC-a verilən məlumata görə, Litva basketbolunun tanınmış simalarından biri - Gediminas Oreliklə müqavilə imzalanıb.
35 yaşı olan oyunçu karyerası ərzində bir çox klubların şərəfini qoruyub. 2 metr boya malik hücumçu müxtəlif zamanlarda Türkiyənin "Banvit" və "Beşiktaş" klublarının formasını geyinib. O, 2018-ci ildə İtaliyanın "Umara Reyer Venetsiya" klubu ilə Avropa Kubokunda qələbə sevinci yaşayıb. Gediminas son mövsümü Rumıniya təmsilçisi “U-BT Cluj-Napoca” klubunun heyətində keçirərək, Euro Cup turnirinin iştirakçısı olub.
