AZ

Zəfər Parkı və "Port Baku" yaxınlığında yeni lüks “Avenue 8” layihəsinə start verildi

İyulun 22-də Bakı şəhərinin memarlıq panoramasına yeni nəfəs gətirəcək “Avenue 8” premium yaşayış layihəsinin rəsmi təqdimat mərasimi JW Marriott otelində baş tutdu. Tədbirdə media nümayəndələri, sənaye ekspertləri, biznes tərəfdaşları ilə yanaşı, yerli və xarici qonaqlar da iştirak edirdi.

Bakı buxtasına panoramik mənzərəsi olan, "Port Baku Walk" və Zəfər Parkı ilə əhatələnmiş “Avenue 8” təkcə yaşayış məkanı deyil, paytaxtın yeni urban simvolu kimi mövqeyini gücləndirməyə iddialıdır.

Layihəni "Avant Group" və "Moonwake Investment" həyata keçirir. "PAŞA Bank" ASC isə layihənin rəsmi maliyyə tərəfdaşıdır.

2010-cu ildən fəaliyyət göstərən, bu günə qədər 1,1 milyon m²-dən artıq tikinti portfelinə sahib olan "Avant Group" son illər Gürcüstan və Özbəkistan bazarlarında da fəallığını artırır.

"Avant Group"un Direktorlar Şurasının sədri Əli Hüseynov çıxışında bildirib: “Avenue 8 – bu, sadəcə yaşayış binaları deyil, bu, şəhərin ruhunu əks etdirən konseptual həyat fəlsəfəsidir. 144 metrlik bu memarlıq incisi Bakının estetik ruhunu təcəssüm etdirir.”

Layihənin fərqləndirici xüsusiyyətləri barədə danışan şirkətin Biznesin İnkişafı və Marketinq direktoru Rüfət Abdullayev qeyd edib ki:

“Avenue 8-in mənzilləri 4.5 metrlik tavan hündürlüyünə malik olacaq, tam şüşəli fasadlar, zərif dizaynlı lobbilər və co-working zonaları müasir şəhər həyatına yeni standartlar gətirəcək. Binanın 30-cu mərtəbəsində "Sky Lounge" və "Rooftop Pool" zonaları, 25 metrlik qapalı hovuz, eləcə də spa, fitness və padel kortları rezidentlərə tam fərqli bir həyat tərzi vəd edir.”

Əlavə olaraq, layihənin qarşısında 5000 m²-lik yaşıllıq və ictimai park zonası salınacaq ki, bu da şəhərin mərkəzində təbiətə açılan nadir bir məkana çevriləcək.

Tədbir çərçivəsində "PAŞA Bank" və "Avant Group" arasında strateji əməkdaşlığı təsdiqləyən rəsmi Anlaşma Memorandumu da imzalanıb. "PAŞA Bank"ın İdarə Heyəti sədrinin müavini Bəhruz Nağıyev bu tərəfdaşlığın hər iki tərəf üçün dəyər yaradacağını və sektorun daha geniş inkişafında rol oynayacağını vurğulayıb.

Layihə şəhərsalma inkişafına düşünülmüş yanaşması və dayanıqlı inkişaf prinsiplərinə diqqəti ilə seçilir. Bu, məhz bizim dəyərləndirdiyimiz tərəfdaşlıq növüdür.

https://maps.app.goo.gl/7dfR7CwAgAe6iQpK9

Əlavə məlumat üçün:

https://youtu.be/5B7rYw0wqZY?si=WCykUYQ3MM857Tva

https://www.instagram.com/avenue8.az/

www.avenue8.az

Seçilən
21
4
report.az

5Mənbələr