Fələstinin HƏMAS hərəkatı Qəzza zolağında humanitar böhran və aclığın başa çatmasından sonra atəşkəs danışıqlarını bərpa etməyə hazır olduğunu açıqlayıb.
Editor.az bu barədə HƏMAS-ın mətbuat xidmətinə istinadən xəbər verir.
“Hərəkat yardıma layiq olanlara çatdıqdan və Qəzzada humanitar böhran və aclıq bitdikdən sonra dərhal danışıqları bərpa etməyə hazır olduğunu vurğulayır”,- deyə bildirilib.
Qeyd edək ki, iyulun 27-də İsrail Müdafiə Qüvvələri (IDF) Qəzza zolağının bir hissəsində hərbi əməliyyatlara səhər saat 10:00-dan axşam saat 20:00-a qədər gündəlik taktiki fasilə elan edib. İDF həmçinin Qəzza zolağına qida və dərman çatdıran BMT və humanitar təşkilatların humanitar yardım missiyaları üçün daimi təhlükəsiz marşrutların yaradıldığını elan edib.
//Gülnarə Abasova, Editor.az
