Madrid “Atletiko”sunun 25 yaşlı braziliyalı sol cinah hücumçusu Samuel Lino bundan sonra “Flamenqo”nun uğurları üçün çalışacaq.
Arena.az bu barədə “Flamenqo”nun mətbuat xidmətinə istinadən məlumat verir.
Tərəflər 4 illik – müddəti 2029-cu ilin dekabr ayının sonuna qədər qüvvədə olacaq müqavilə imzalayıblar.
Keçid Braziliya nəhənginə 22 milyon avro məbləğ müqabilində başa gəlib. “Urubu” “döşəkçilər”ə həmçinin 3 milyon avro məbləğində əlavə üstəlik ödəyəcək.
Samuel Lino “Flamenqo”nun məzunudur. Böyük futbolda “San-Bernardo”nun heyətində debüt etmiş Lino ardınca “Jil Visente”, Madrid “Atletiko”su və “Valensiya”da (icarə) çıxış edib.
Geridə qalmış mövsümdə Lino “Atletiko” üçün 47 oyuna 4 qol və 8 məhsuldar ötürmə ilə fərqlənib.
Lino milli komandaya cəlb edilməyib.
“Transfermarkt” internet-portalı 25 yaşlı braziliyalı sol cinah hücumçusunun transfer dəyərini 22 milyon avro məbləğində qiymətləndirir.
