ain.az bildirir, Bizimyol portalına istinadən.
Bəzi insanlar Amerika Birləşmiş Ştatlarının Prezidenti Donald Trampın Rusiya Federasiyası ilə bağlı səbrini yanlış şərh etmiş ola bilər.
Bizimyol.info xəbər verir ki, bunu brifinq zamanı ABŞ Dövlət Departamentinin mətbuat katibi Tammi Bryus sülh sazişinin bağlanması üçün nəzərdə tutulan “son müddət”in 10 günə endirilməsini şərh edərkən deyib.
Onun sözlərinə görə, Tramp sübut edib ki, ona ciddi yanaşmaq lazımdır, çünki onun sülh səylərinin nəticəsini artıq “bütün dünyada” görmək mümkündür: "O, səbirli olub və ola bilsin ki, bəzi insanlar bunu yanlış şərh ediblər, amma məncə, yanlış şərhlərin vaxtı keçib", - deyə o qeyd edib.
Xatırladaq ki, dünən ABŞ prezidenti müharibəni bitirmək üçün Rusiyaya verdiyi əvvəlki 50 günlük ultimatumunu azaldacağını və yeni müddət - sülh razılaşmasının əldə olunmasına 10 gün qoyduğunu açıqlamışdı, əks halda ABŞ Rusiya ilə ticarətini davam etdirən ölkələrə qarşı 100%-ə qədər sanksiyalar və rüsumlar tətbiq edəcək.
Tramp həmçinin qeyd edib ki, Kreml hökmdarı Putindən çox məyus olub, çünki danışıqlardan sonra irəliləyiş olacağına ümid olmasına baxmayaraq, reallıq yalnız daha çox bombardman və mülki əhalinin ölümünü göstərib.
Yeni müddət avqustun 8-də başa çatır, bundan sonra Tramp öz sözlərindən geri çəkilməsə, Hindistan, Braziliya və Çin də daxil olmaqla bir sıra ölkələr yüksək tariflərlə üzləşə bilər.
Tramp Moskvaya qarşı çox yumşaq davrandığı üçün dəfələrlə tənqid olunub. Son günlər Amerika lideri Putinin müharibənin bitməsini istədiyini, Rusiyanın hücumları və hücum əməliyyatlarını daha geniş yayıldığını bildirib.
Qadir, Bizimyol.info
Ən son yeniliklər və məlumatlar üçün ain.az saytını izləyin, biz hadisənin gedişatını izləyirik və ən aktual məlumatları təqdim edirik.
