Rusiyanın Kamçatka diyarında cəmi 45 dəqiqə ərzində ardıcıl beş zəlzələ qeydə alınıb.
Yeniavaz.com TASS agentliyinə istinadla xəbər verir ki, bu barədə Rusiya Elmlər Akademiyasının Vahid Geofizika Xidməti “Telegram” kanalında məlumat yayıb.
Məlumata görə, zəlzələlərin maqnitudası 5,3; 5,2; 5,1 və iki halda 4,8 bal təşkil edib.
Xidmətin məlumatına görə, ilk zəlzələnin gücü 5,3 bal olub. Zəlzələ Petropavlovsk-Kamçatskidən 140 km şərqdə, ocağı isə 47 km dərinlikdə olub. İkinci zəlzələnin maqnitudası 5,2 olub, o, Petropavlovsk-Kamçatskidən 177 km cənub-şərqdə, episentri isə 40 km dərinlikdə olub. Üçüncü zəlzələnin maqnitudası 5,1 olub, o, Petropavlovsk-Kamçatskidən 167 km aralıda baş verib, episentri 16,6 km dərinlikdə yerləşib. Dördüncü və beşinci zəlzələlərin maqnitudası 4,8 olub, onlar Petropavlovsk-Kamçatskidən 173 və 198 km məsafədə baş verib, episentrləri 32,7 və 43,6 km dərinlikdə olub.