«Kəpəz» yeni sponsor axtarışına çıxıb.
Bu, Namiq Qədirovun İdarə Heyətinin sədri postundan ayrılması ilə birbaşa əlaqəlidir.
Belə ki, İsveçrədə yaşayan iş adamı rəhbərlikdən gedincə, kluba ayırdığı vəsaiti də geri çevirib.
Yönətim arasında münaqişə, beləcə, büdcənin 1 milyon manat azalmasına səbəb olub. Xəzinədə yanaran boşluğu doldurmaq qayğısı çəkən rəsmilər artıq bir sıra görüşlər keçirib.
Onlardan biri - bankla razılıq əldə olunub. Qarşı tərəf forma sponsoru kimi «Kəpəz»lə işbirliyi qurmağa razılıq verib. Həmçinin iki şirkətilə danışıqlar intensiv hal alıb.
SPORTİNFO.AZ
