Bakı, 18 iyul, AZƏRTAC
Qabon millisinin tanınmış hücumçusu Pyer-Emerik Obameyanq Səudiyyə Ərəbistanının "Əl-Kadisiya” komandasından ayrılıb.
AZƏRTAC xəbər verir ki, bu barədə klubun rəsmi saytı məlumat yayıb. Onunla müqaviləyə qarşılıqlı razılıq əsasında xitam verilib.
36 yaşlı hücumçu sabiq komandası “Marsel”ə (Fransa) qayıdacaq.
Qeyd edək ki, Pyer-Emerik Obameyanq karyerası ərzində “Borussiya” ( Dortmund, Almaniya), “Arsenal”, “Çelsi” (hər ikisi İngiltərə) və “Barselona” (İspaniya) klublarında çıxış edib.
