NATO-nun baş katibi Mark Rutte deyib ki, silah satışı ilə bağlı qərar Vladimir Putinə ABŞ və Avropa arasında birlik barədə açıq siqnaldır və onlar Ukrayna üçün nə lazımdırsa, edəcəklər...
Poliqon xəbər verir ki, o, bazar ertəsi Vaşinqtonda prezident Donald Trampla görüşdən sonra Fox News telekanalına bildirib.
"Bu gün Kremldə olsaydım, o qədər də sevinməzdim. Çünki bu, prezident Trampın ciddi olduğuna açıq işarədir. O, sülh istəyir. Ukraynada bu qədər insanın ölməsinə nifrət edir", deyə Rutte qeyd edib.
O, bildirib ki, Ağ Evin Ukraynada paylanması üçün NATO ölkələrinə silah satmaq qərarı Avropada Rusiya müharibəsinə son qoymaq üçün sülh danışıqlarının durğunluğu fonunda əhəmiyyətli məqam olub.
NATO-nun baş katibi Mark Rutte ABŞ prezidenti Donald Trampla görüşü zamanı jurnalistlərə açıqlamasında Ukrayna üçün silahla bağlı razılığın əldə olunduğunu bildirib. Rutte ABŞ prezidenti Donald Trampın Vladimir Putinlə kommunikasiyasında yaranmış çıxılmaz vəziyyətdən çıxış yolu tapmaq və Kreml rəhbərinə Ukraynadakı müharibəni həll etmək niyyətinin ciddiliyini göstərmək şansı vermək səylərini yüksək qiymətləndirib.
Poliqon.info
