BAKI, 14 iyul. TELEQRAF
ABŞ Prezidenti Donald Tramp Qəzza sektorunda vəziyyətin bir həftə ərzində nizamlana biləcəyini ehtimal edib.
Teleqraf xəbər verir ki, bu bəyanatla o, Vaşinqton yaxınlığında yerləşən Endrüs hərbi bazasında jurnalistlərlə söhbəti zamanı çıxış edib.
“Qəzza ilə bağlı danışıqlar aparılır və ümid edirəm ki, növbəti həftə ərzində nizamlamaya nail olacağıq. Görək nə baş verəcək”, - Ağ Ev rəhbəri Fələstin anklavında atəşkəsin əldə olunması ilə bağlı danışıqların gedişatı haqqında sualı cavablandırarkən bildirib.
