U-18 millimiz ilk dəfə iştirak etdiyi B divizionunda 12-ci olub

Azərbaycanın basketbolçu qızlardan ibarət U-18 millisi Avropa çempionatı B divizionunda son oyununu keçirib.

İdman.biz xəbər verir ki, komandamız 11-12-ci yerlər uğrunda oyunda Lüksemburq seçməsinə 54:67 hesabı ilə məğlub olub.

Beləliklə, U-18 millimiz ilk dəfə iştirak etdiyi Avropa çempionatı B divizionunda 21 ölkə arasında 12-ci sırada tamamlayıb.