“The Wall Street Journal”("WSJ") “Tramp bəyan edir ki, İran atom bombası yaratmağa doğru hərəkət edərsə, İsrailin yeni hücumunu dəstəkləyir” başlıqlı məqalə dərc edib.
Moderator.az bu haqda İsrail mediasına istinadla xəbər verir.
Aleksandr Uord və Lourence Norman yazırlar:
"Tramp Tehranı nüvə sazişinə doğru sövq etmək üçün yeni hücumlar təhlükəsinə ümid edir, lakin İsrail paktın İranın nüvə silahı inkişaf etdirməsinə mane olacağına şübhə ilə yanaşır".
Məqalədə bildirilir ki, bazar ertəsi, iyulun 8-də ABŞ prezidenti Donald Tramp Ağ Evdə görüş zamanı İsrailin baş naziri Binyamin Netanyahu ilə üzbəüz oturarkən İrandakı hədəflərə bir daha zərbə endirmək üçün Amerika qüvvələrindən istifadə etmək istəməyəcəyini açıqlayıb. Lakin daha sonra Netanyahu onunla şəxsi söhbətində deyib ki, əgər İran nüvə silahı yaratmaq səylərini bərpa etsə, İsrail ordusu yenidən İran obyektlərinə hücum edəcək. "WSJ" yazır ki, Tramp cavab verib ki, Tehranla diplomatik həllin tərəfdarıdır, lakin əks halda İsrailin planına etiraz etmir.
