Avrasiya İqtisadi İttifaqı ( Aİİ ) forumunda Ermənistanla bağlı vəziyyətdə tək bir tərəfi günahlandırmaq olmaz". SİA BELTA-ya istinadla xəbər verir ki, bunu Belarus Prezidenti Aleksandr Lukaşenko deyib .
Belarus lideri Ermənistanın Baş naziri Nikol Paşinyanın videobağlantı vasitəsilə forumun iclasında iştirak etdiyini xatırladıb. Onun sözlərinə görə, Ermənistan Nazirlər Kabinetinin rəhbərinin belə bir qərarı Aİİ daxilində problemlərdən xəbər verə bilər.
"Siz Ermənistanın mövqeyini bilirsiniz. Sadəcə olaraq bu gün baş yelləyib — bax, gəlmədilər, belə-belədirlər — demək asandır, biz bunu bacarırıq. Amma əgər nəsə baş verirsə, bunda tək bir tərəf günahkar ola bilməz. Biz səbəbləri başqa tərəfdə də axtarmalıyıq. Yəqin ki, burada hər şey qaydasında deyil, biz bunu bir kənara qoya bilmərik", - Lukaşenko bildirib.
İyunun 13-də Paşinyan bildirib ki, Ermənistan Aİİ və Avropa İttifaqı arasında seçim etməli olacaq. Baş nazirin sözlərinə görə, bu qərar qəbul olunana qədər ölkədə Aİ standartlarına uyğun demokratik islahatlar davam etdiriləcək.
Bundan əvvəl Kreml Ermənistana eyni vaxtda həm Aİİ-nin, həm də Aİ-nin üzvü olmağın mümkünsüzlüyünü xatırladıb.
