Bəhreynin Mülki Aviasiya İdarəsi ölkənin hava məkanını müvəqqəti olaraq bağlamaq barədə qərar qəbul edib.
AFN.az yerli mediaya istinadən xəbər verir ki, bu addım, ABŞ-ın Qətərdə yerləşən Əl-Üdeyd aviabazasına həyata keçirilən zərbələrdən sonra atılıb.
Bəhreyn Mülki Aviasiya İdarəsinin qərarında bildirilir ki, ölkənin hava məkanı müvəqqəti bağlanacaq və bu, aviasiya təhlükəsizliyinin təmin olunması məqsədi daşıyır. Hazırda hava məkanının nə vaxt açılacağı və digər detallarla bağlı əlavə məlumat verilmir.
Əl-Üdeyd aviabazası ABŞ-ın regional əməliyyatlarında mühüm rol oynayır.
Bu qərarın regionda hava nəqliyyatına və beynəlxalq uçuşlara hansı təsir göstərəcəyi hələlik məlum deyil. Qeyd edilir ki, müvafiq qurumlar vəziyyəti yaxından izləyir və hava məkanının yenidən açılması ilə bağlı qərarları gələcəkdə açıqlayacaq.
