Millimizdən ikinci qələbə - "Airom Cup"

14 yaşa qədər oğlanlardan ibarət millimiz basketbol üzrə "Airom Cup" beynəlxalq turnirində ikinci oyununu keçirib.

"Football-plus.az" xəbər verir ki, Qazaxıstanın Atrau şəhərində təşkil olunan yarışda budəfəki rəqibimiz Rusiyanın "Devons" klubu olub.

Basketbolçularımız 89:23 hesabı ilə qalib gələrək ardıcıl ikinci qələbələrini qazanıb. Komandamız ilk oyunda "Edelveys"i 94:13 hesabı ilə məğlub edib.

Qeyd edək ki, iyunun 22-dək davam edəcək turnirin qalibi dairəvi sistemlə keçirilən oyunlardan sonra məlum olacaq.